من 2008 لـ 2024 والمساحة هنا اسمها "بنوتة لاسعة". من كام سنة بطلت أكون "بنوتة لاسعة" بطلت أكون النسخة اللي كنت عليها وقت ما بدأت المدونة. وهي حاجة ما بزعلش عليها أبدًا. لكن رغم إني بطلت أكون الشخص دا، ورغم إن العنوان بطل يكون معبر عني، وعن محتوى المدونة فضلت محتفظة بيه. متمسكة بآخر حاجة من ريحة البنت المندفعة اللي عندها أحلام ساذجة ووردية جدًا لإصلاح العالم.
نسختي دلوقتي أقرب لقطة. نمت صحيت ورايا مليون ألف حاجة راكناها على جنب دلوقتي، وبغير شكل واسم مدونتي! أنا حالاً أقرب لقطة ومتصالحة مع دا وبحبه. والأفكار هنا شبه القطط ومن ريحتهم ومتأثرة بيهم. عشان كده قررت يكون دا عنوان المدونة، وعنوان رابطها وما اتمسكش بحاجات بطلت تبقى شبهي لمجرد إني كنت بحبها أوي، وليا ذكريات معاها.
كنت / لازلت بحب نسخة بنوتة لاسعة وممتنة لها. دلوقتي بحب نسختي القطقوطية وممتنة لها. بعتذر حقيقي للي هيتعبوا ويضلوا الطريق لمدونتي لحد ما يلاقوها بعنوانها وشكلها الجديد.
ليست هناك تعليقات:
إرسال تعليق
Say something...