في بنت على تويتر اللي فهمته عنها إنها بتنقذ قطط الشوارع. بتوديها للدكتور يعملها كل اللي محتاجاه، وبعدها بتاخدها في البيت وتعودها تبقى Friendly عشان تقدر تروح بيت تاني. المهم إنها بتشاركنا الفترة دي التطور التدريجي في سلوك آخر قط أنقذته، وكل تطور صغير بيعمله تجاه إنه يقرب منها أو من القطط التانيين ويتطمن في البيت..
الرحلة دي بتدوب قلبي بجد، الإحساس التدريجي بالأمان.. بحس قشرة حجر بتتكسر من عليه.. شايفة إزاي بيرتاح تدريجيًا في مكانه ويظهر شخصيته أكتر واحدة واحدة.. بحسه بينور.. البنت وهي بتصوره في مرة منسجم فيها في اللعب، قالت عليه "كان حلو أوي وهو قطة"!
بحب التطور دا في الشخصية أوي، ربنا يرزقنا جميعًا الأمان والألفة دول والراحة في جلدنا ومكاننا <3
ليست هناك تعليقات:
إرسال تعليق
Say something...