ابني سامحني أخيرًا بعد ما خلاص كنت يئست إن علاقتنا ترجع زي الأول. من لحظة ما غيرت مكانهم وهو زعلان مني وما بيسمحليش ألمسه، ولا حتى بيتواجد في المكان طول ما أنا فيه.زعله طول أكتر من شهرين! وأنا زعلت جدًا لأنه كان أكتر واحد بيتعامل معايا بأريحية ومش حتى حساس وقماص. في العادي القطط لما تتحرك وهم قاعدين على رجلك يزعلوا ويمشوا هو مكانش كده بيفضل متمسك بمكانه وبيطالب بالاهتمام بثقة بحبها جدًا وبتمنى أتعلم منها، فاتصدمت إنه زعل مني للدرجة دي.
بعدين بقيت أقول لنفسي الزعل على قد المحبة، وأفكر نفسي إنهم زينا، مختلفين وطرقهم في التعبير عن مشاعرهم مختلفة. في الوقت اللي كوكو عبرت عن قلقها من التغيير بإنها تتشعبط فيا زي الأطفال، هو عبر عن قلقه وزعله بإنه أخد مسافة.
قد أكون بأفور في التحليل، بس أيًا كانت التحليلات، ما تصدقوش هبدة الـ 16 ساعة. وقدروا المحبة. لحظة ما جه يقعد معايا وسمح لي أقرب منه وقعد في حضني زي زمان بقيت عارفة أوي قيمة اللحظة دي وبشكره عليها. وحسيت قد إيه كنت محظوظة بكل لحظة كان جنبي فيها بأريحية وبساطة
ليست هناك تعليقات:
إرسال تعليق
Say something...