بقالي 4 سنين أو أكتر كل ما أفتح الموقع واشوف كلمة "خارج الأولوية" الكلمة تنغز قلبي وما اعرفش ليه. مش بس نغزة الحلم المؤجل لأجل غير مسمى وغير معلوم، ولا الغضب لأن مافيش في إيدي حاجة، ولأن الحاجات اللي اتوعدت بيها ما اتنفذتش وبردو مافيش في إيدي حاجة، بس نغزة تانية مختلفة. كأن دا بيلمس وجع تاني مش فاهماه. بس مؤخرًا فهمت!
لما بحكي لأصحابي، بقولهم كأن كل شروط الأولولية محطوطة عشان تحط سارة في دايرة وتستبعدها. مش عايزة أعيش مظلومية. بس بجد مين في الدنيا من حقه يقرر دا وليه؟
والسؤال الأهم واللي بينغزني فعلاً، إني محتاجة أعرف إمتى هكون "ضمن الأولوليات" مش حتى أنا الأولولية!
مش في الحلم دا بس. في حاجات كتير أوي!
ليست هناك تعليقات:
إرسال تعليق
Say something...